Wou Mënschlechkeet an Inklusioun am Mëttelpunkt stinn
Fir eis Campingsgäscht bedeit dës Philosophie eng beräicherend Erfarung. Si profitéiere vun der eenzegaarteger Atmosphär vun der Integratioun an der Interaktioun mat de verschiddenste Leit.
Duerch d’ Zesummentreffe mat eise Mataarbechter, déi fäeg si, sech den eegenen Erausfuerderungen ze stellen a si ze meeschteren, entdecken d’Gäscht eng méi déif Verbindung mat der Campinggemeinschaft an eng méi grouss Valorisatioun vun der Diversitéit. Dëst schaaft net nëmmen eng harmonesch Zesummeliewen, mee erweidert och Ären eegenen Horizont a beräichert d’Campingerfarung duerch authentesch, mënschlech Interaktiounen.
Wee si mir?
Inklusioun – COOPERATIONS
Bei COOPERATIONS s.c. zu Wolz hu mir eng eenzegaarteg Philosophie: Mir konzentréieren eis bewosst op d’Stäerkten, Talenter a Fäegkeete vun de Leit, anstatt hir Aschränkungen a fuederen hirt Potentialt.. Mir gleewe fest datt jiddereen, onofhängeg vun sengem Hannergrond, Fäegkeeten oder Ëmstänn, e wäertvolle Bäitrag zu der Gesellschaft leeschte kann.
X-Mas Special – Bleibe 3 Nächte und zahle nur 2!
– Weitere Informationen –
Eis Chaleten (Ënnerkunft)
Campen
Komfort
Früstückskuerf
Äre Früstück gëtt a mat Léiwt an eisem Dono-Atelier zu Wooltz handgebitzten Upcycling-Kierf zerwéiert.
Kiosk-Buttek
Eise Kiosk bitt alles wat Dir braucht fir Ären Openthalt – vun Epicerie bis Campingartikelen. Entdeckt eist divers Sortiment!
Grillen
Mir stellen Iech op Ufro gäre gratis e Grill zur Verfügung. Genéisst gemittlech Grillowender op eisem Camping.
Relax Lounge
Relaxt an eiser iwwerdaachter Lounge a benotzt eis Gamme vu Gesellschaftsspiller fir onbeschwéiert Stonnen.
Vëloe lounen
Lount e Vëlo direkt vun eis an entdeckt d’Ëmgéigend op zwee Rieder.
Yoga & Aktivitéiten
Fänkt den Dag mat engem relaxe Yoga-Cours un oder huelt u verschiddene Fräizäitaktivitéiten am Summer deel. Perfekt fir Kierper a Geescht.
D’Liewe fänkt un, wou d’Zäit egal ass.
Backoffice & Social Media
“Um Büro wéi och am Accueil vum Camping Kaul ze schaffen hunn ech virun allem gär wéinst der d'Ofwiesslung tëscht konzentréiert mam Computer ze schaffen a Gäscht perséinlech ze begéinen. Meng gréisst Stäerkt sinn d’Friemsproochen an awer déi kreativ Aarbecht wéi Flyeren a Plakater zesummenzestellen an ze designen.”
Receptioun
"Ech sinn zënter 2021 bei COOPERATIONS zu Wooltz. Ech hu meng berufflech Rees am “Jardin de Wiltz” ugefaangen, mee elo sinn ech um Camping a schaffen an der Receptioun. Hei këmmeren ech mech ëm d'Buchungen an d'Wuelbefanne vun de Gäscht. Ech genéisse wierklech d'Aarbecht, well mir vill Leit kennen léieren an hinnen hëllefen!"
Housekeeping
"Ech këmmere mech ëm d'Chaleten an hir Propretéit a si verantwortlech fir propper a gemaachte Better, glänzend Kichen a gedeckten Dëscher. Am Housekeeping kreéiere mir den Ausgangspunkt fir d' Vakanz vun de Gäscht. Dat Wichtegst fir mech ass, datt, wann d'Gäscht d'Dier vum Chalet fir d'éischte Kéier opmaachen, dass si sech dann direkt wuel fillen an op eng Entdeckungsrees goe kënnen."
Gaardenaarbechten
“Ech schaffe gär an der frëscher Loft an ech hunn déi lokal Flora a Fauna gär. Ech kennen d'Planze mam Numm well ech schonn ëmmer e gréngen Daum hat. Meng gréisste Freed ass ze gesi wéi d'Natur an der Kaul wiisst an d'ganzt Joer changéiert.”
Camping Koordinator, Büro
"De Dany Schneider ass eise Campingkoordinator. Seng Experienz erlaabt him eng Bréck tëscht eise Clienten an eisem Camping- Team ze bauen: “Ech hu gär souwuel Clientë wéi och dem Personal ze hëllefen d'Campingerfarung sou schéin ewéi méiglech ze maachen, wärend ech och eisen eenzegaartege Verkafspunkt (USP) vun engem inklusiven a soziale Camping wëll weiderhin fërderen an eise Camping nach méi bekannt maachen!”
Reception
“Et ass ëmmer eng Freed, wa mir Gäschti hëllefe kënnen an se dann ëmmer erëm wärend hirer Vakanz treffen. Et ass besonnesch flott wann se eis op eng frëndlech Manéier begréissen an eis Merci soen, wann se fort ginn. Dat ass genee wat ech u menger Aarbecht gär hunn: Mir sinn a Kontakt mat de Campingsgäscht an hëllefen hinnen, eng wonnerbar Zäit an der ‚Kaul’‘ ze hunn.”
True hospitality consists of giving the best of yourself to your guests.
eleanor roosevelt